鄭秀文：父母健在要珍惜 為父親「大屋搬細屋」背後原因感人

日前，鄭秀文（Sammi）喺社交網站上分享咗一段影片，表示自己煲咗八寶粥孝敬媽媽，獲不少網民大讚孝順乖女，仲話「鄭媽媽一定甜到入心」。其實Sammi真係出晒名係孝順女一名，佢唔止錫媽媽，仲對患病嘅爸爸照顧有加。

{{hket:inline-image name="3.jpeg"}}{{/hket:inline-image}}

(鄭秀文IG)

雖然Sammi工作忙碌，但佢任何時候都將家人放喺第一位。2001年，Sammi爸爸喺北京中風暈倒，當時正在台灣工作嘅Sammi，立即停工飛往北京探望爸爸，更有指Sammi後來包私人飛機陪爸爸返港接受治療。Sammi父母原本居住於大坑道大寶閣，屋企有成二千幾呎。不過因為父母年紀大，加上鄭爸爸曾經中風，需借助枴杖行路，由睡房行去洗手間，都有一段距離，實在不太方便。雖然有工人照顧鄭爸爸，但Sammi仍然唔放心，所以一直都好想同父母住近啲，方便見面之餘，仲想親自照顧佢哋。早已有意為父母搬屋嘅Sammi，仲曾經同記者講：「第時佢哋大屋搬細屋，你哋唔好話我待薄父母！」

{{hket:inline-image name="11659506_10152975251224607_1236762740306308404_n.jpg"}}{{/hket:inline-image}}

(鄭秀文IG)

老公許志安得悉Sammi想為兩老大屋搬細屋後，就提議將之前買入嘅淺水灣冠園，送畀岳父岳母居住。而Sammi為咗令父母住得舒服，據知全屋嘅傢俬同裝修都係由佢自己親自挑選設計，仲詢問咗專業醫護嘅意見，喺全屋主要通道加設安全扶手，連洗手間嘅地板同設備都參照護老院設計，以安全為主。

{{hket:inline-image name="64af7143gy1fohcxjpjcej20qo0zj47r-769x1024.jpg"}}{{/hket:inline-image}}

(鄭秀文微博)

Sammi事事為父母著想，親力親為照顧佢哋，皆因佢知道父母為咗佢同幾兄弟姊妹，亦付出了很多。Sammi多次提到：「父母健在要珍惜」，更曾經喺社交網站上講過：「我想，世界並沒有完美的父親，因為父親都不過是凡人。但我更愛父親，因為他用生命養育我們五姊弟。不過，我母親應該更居功至偉，因為她幾十年全心全意照顧全家，尤其父親。」非常感人！

{{hket:inline-image name="1111.jpg"}}{{/hket:inline-image}}

(鄭秀文IG)